Jafnréttisáætlunin er sett fram samkvæmt lögum um jafna stöðu og jafnan rétt kynjanna nr. 150/2020, og annarra laga og krafna er snúa að jafnrétti.
Markmið
VHE leggur áherslu á jafnan rétt kynjanna til launa, stöðuveitinga, starfa og þátttöku í hvers kyns vinnuhópum á meðal allra starfsstétta VHE. Starfsfólk VHE skal enn fremur njóta sömu tækifæra, réttinda og starfsaðstæðna óháð kynþætti, þjóðerni, trúarbrögðum eða öðrum þáttum. VHE vinnur að endurnýjun jafnlaunavottunar og stefnir að því að ná því snemma árs 2024 skv. 7 gr. laga nr. 150/2020. Ár hvert verður unnið að viðhaldsvottun og þriðja hvert ár endurvottun.
Eftirfarandi eru markmið VHE:
- Starfsfólk skal njóta sömu launa og kjara fyrir sambærileg eða jafnverðmæt störf, óháð kyni.
- Starf sem laust er til umsóknar skal standa öllum sem fullnægja hæfisskilyrðum opið, óháð kyni.
- Lögð er áhersla á að starfsþjálfun og endurmenntun standi öllu starfsfólki til boða, óháð kyni.
- Lögð er áhersla á að starfsfólk geti samræmt vinnutíma og fjölskyldulíf eins og kostur er.
- Starfsfólki skal auðveldað að koma aftur til starfa eftir fæðingar- og foreldraorlof eða leyfi úr vinnu vegna brýnna fjölskylduaðstæðna.
- Einelti, kynbundið ofbeldi, kynbundin áreitni og kynferðisleg áreitni er ekki liðin á vinnustaðnum.
Launajafnrétti
Í 6. grein laga nr. 150/2020 segir: „Konum, körlum og fólki með hlutlausa skráningu kyns í þjóðskrá skulu greidd jöfn laun og njóta sömu kjara fyrir sömu eða jafn verðmæt störf.
Með jöfnum launum er átt við að laun skulu ákveðin á sama hátt fyrir fólk óháð kyni. Skulu þau viðmið sem lögð eru til grundvallar launaákvörðun ekki fela í sér kynjamismunun. Starfsfólki skal ávallt heimilt að skýra frá launakjörum sínum ef það kýs að gera svo.
Samþykkt af Jafnréttisstofu dags: 18.03.2024
Jafnréttisáætlun VHE kynnt starfsfólki: 19.03.2024
