GRAFÍTHÚÐUN

Grænni leið

Umhverfisvænni grafíthúðun

Áður fyrr notuðu álver gjarnan grafít duft með lífrænum leysiefnum sem þornaði fljótt við umhverfishita. Umhverfis- og öryggissjónarmið hafa að mestu séð til þess að þessi aðferð er ekki notuð lengur og í dag nota flest álver tilbúna grafít blöndu í vökvaformi.

Notkun vökva (vatns) sem þynningarefni hefur í för með sér nauðsynlega þurrkun. Þurrkun er hægt að framkvæma með ýmsum hætti s.s. með gas hiturum, rafhitun eða hitablæstri þar sem hitun tindanna þurrkar þunnt lag grafítfilmunnar.

Með hagræðingu og öryggi í rekstri að leiðarljósi

Rekstrarþjónusta

Eitt meginsvið í starfsemi VHE snýr að rekstrarþjónustu, viðhaldsverkefnum og umbótaverkefnum véla og búnaðar. VHE hefur frá upphafi gegnt veigamiklu hlutverki í verktakaþjónustu við íslensk álver og þannig komið að fjölmörgum úrbótaverkefnum sem hafa skilað viðskiptavinum okkar umtalsverðri hagræðingu.

Sem sérhæfður þjónustuaðili fyrir álversiðnaðinn í áratugi er því hægt að treysta að þar fara saman reynsla og hæfi.

Grafítbúnaður VHE samanstendur af grafít tanki og síðan þurrkunarbúnaði. Grafít tankurinn inniheldur grafítblöndu og með lyftibúnaði er tanknum lyft undir gafflana með vökva eða loft- tjökkum þannig að grafít dreifist jafnhátt á alla tinda gaffalsins.